蜀府川鍋 (Closed)

蜀府川鍋基本上我一年都食幾次, 原因為平, 任座完全唔會趕你走, 同朋友食飯吹水係一流嘅。是晚我哋一行三人, 叫咗個四人海鮮餐, 乞衣雞, 幾支大啤, 埋單1000有找, 由7點座到12點, 係幾好嘅。綠豆芝麻餅香口, 有濃濃芝麻, 與綠豆味好足, 度適中(不太甜), 同煙韌, 好食。4人份量海鮮 龍蝦兩隻開邊4件,  大蜆, 飽魚, 大元貝, 大刀貝, 沙巴龍躉, 大蜆, 飽魚, 大元貝,  沙巴龍躉全部新鮮貨, 生猛, 食落都鮮甜。龍蝦有2隻, 開邊共4件, 其中有兩件蒸完煤咗, 完全影響用餐感覺。沙巴龍躉新鮮貨, 4人餐比條魚有1斤, 抵食。蟲草雞雞好滑, 有半隻, 有加過味, 食落唔會有一陣雪味。乞衣雞啲肉太鞋, 但驚奇隻雞係有肉汁, 雖然未到JUICY, 但食味幾好, 鹹香味與雞味都出, 好食。叫咗個四人海鮮餐, 乞衣雞, 幾支大啤, 連加一醬油, 埋單1000有找, 由7點座到12點, 係唔錯選擇。