唐記包點 (北角中心大廈)

Open Now

Now Closed

今日收工後緊接有活動，要準備就無時間出街食，諗起附近有間唐記，晚餐一於搵佢搞掂。咦，價錢同上次嗰間有唔同喎，仲有店舖限定特別優惠添，咁抵，買多幾個包做早餐。豉椒排骨飯$20豉椒排骨香噴噴，口感軟腍有肉香，飯粒軟熟粒粒分明，原來選用泰國米，唔怪之得咁香啦。最鍾意啲飯有新鮮菜跟，入盒時先至夾入去，好貼心。章魚肉餅飯$20聞到好香章魚味，同事話好食。足料糯米雞$24糯米雞有荷葉香，糯米軟腍，掛住食，無影到有咩餡添，同事話味道好得。呢啲包拎返去做早餐，個個都差唔多樣，點分辨係邊種包呢?原來包底招紙有寫名，咁就唔會拎錯口味啦。我都係最鍾意菜肉包。