蘇媽.蘇媽馬來西亞茶餐室 (Closed)

好耐冇食過蘇媽，今日和朋友係尖沙咀經過蘇媽，便去食下。我哋叫左高佬麵配雞扒、百吉爹肉骨茶（豬腳彎）、椰香咖央多士及兩杯嘢飲，分別冬瓜龍眼茶及椰汁班蘭冰。高佬麵配雞扒分量十足，雞扒大大塊，煎到脆邊，香口美味，高佬麵配上生熟蛋及豆瓣醬，惹味好食。百吉爹肉骨茶（豬腳彎）平時肉骨茶都係排骨整嘅多，我哋今次揀咗豬腳彎，滿滿嘅骨膠原，豬腳灣非常之爽脆，配上肉骨茶底，一啲都唔肥膩，而且肉骨茶可以無限添飲，藥材味十足，非常好飲。椰香咖央多士來蘇媽食野，又點會少得食佢嘅椰香咖央多士，烘得鬆脆嘅多士配上香甜咖央醬，係我每次來必點嘅嘢食。