一粥麵 (德田廣場)

Open Now

Now Closed

屋邨商場入面搵食。好多都係大型連鎖店。見一粥麵早餐配搭相對唔同少少。所以就揀左佢。鮮牛肉通粉+脆皮腸+炒蛋+炸魚+蘿蔔糕+中茶。咁多野食都只係$39。兩個女仔食應該都夠。執餐哥哥態度好好。有求必應。炸魚寫話係用環保魚柳。魚柳厚身炸粉薄。冇雪藏味。唔會炸到又乾又鞋。質素幾高。脆皮腸個皮堅脆。配左燒汁。炒蛋預先調左味。蘿蔔糕唔會得舊粉。可以揀要多士。中茶係茉莉花茶茶包。呢個價錢真係性價比好高。略嫌通粉質感爭啲。入口爽口不過咬多兩啖粉感好高。