Fifty Fifty (Closed)

今次來到長沙灣這間西餐廳，燈光柔和，環境浪漫，而且價錢又不會太貴!餐牌是利用QR Code再網上看，落單時找店員幫手便可!食物和飲品的款式都幾多，我跟友人點了一個晚餐和一款意大利飯加錢轉套餐。套餐包括餐湯、飲品和甜品。甘筍湯，份量都幾多，而且幾creamy，湯內有不少甘筍蓉，很足料!澳洲肉眼扒配大蝦，估唔到份量都幾多，肉眼扒都幾大塊，大概7成熟，牛肉味濃，肉質都算鬆軟，唔會好韌，而且有種鐵板牛肉的感覺。大蝦很大隻，已經開邊，蝦肉都幾多，食落啖啖肉!還配有沙律菜和薯蓉，一份晚餐都很飽肚!芝士焗蟹膏蟹蓋配海膽意大利飯，這個飯份量都幾多，蟹蓋內的蟹膏很濃味，而意大利飯用上菇菌一齊燴，飯中亦有少量海膽，飯都幾creamy，意大利飯配上蟹膏一齊食，味道特別，而且都幾惹味!桑莓芝士蛋糕，蛋糕不會太大份，由於蛋糕中間有桑莓，酸酸咪咪，能夠中和芝士蛋糕好漏的感覺，而且不算太甜!香橙雜果梳打，梳打味道不會很甜，有大量香桃和菠蘿粒，感覺很fresh!情迷橘子，這杯沙冰是香橙加芒果味，芒果味較重，味道也是不會很甜，很透心涼!