El Cerdo (大壩街) (Closed)

今日突然間想食西班牙菜，但其實喺荃灣想食西班牙菜都唔好似冇乜選擇，今次我就都係喺OpenRice度揀咗其中一間高評分嘅餐廳去食，而且個價格都幾和藹可親。今晚就叫咗下面有相的幾味餸啦，最好味就係個蕃茄多士，同埋個豬腩肉。其實個西班牙飯都幾好味嘅，但就係同想像中嘅一樣未囉，冇驚喜。不過個甜品就好好味，個churro係再炸嘅，送到埋枱係熱辣辣同埋脆卜卜。另外喺個甜品上面嘅Happy birthday就真係有驚喜啦，原因係我喺OpenRice訂枱嘅時候寫咗慶祝生日，餐廳就好好咁樣安排咗支蠟燭紅埋Happy birthday嘅字係個甜品度，超級細心，我朋友覺得好驚喜，超級大贊呢間餐廳嘅職員。