Olive Cafe (Closed)

今晚男朋友係大埔收工，同我係大埔食晚餐，佢話想食西餐。即刻諗起olive cafe，印象中幾年前食過一次，都覺得幾好味晚餐本身就包左沙律或餐湯。唔揀晚餐，係晚餐時間，主餐牌揀任何意粉飯都免費有飲品，加廿蚊就有餐湯。是日餐湯係粟米湯，好濃郁既粟米味，都有d粟米蓉食到男朋友叫左杯叫黃金海岸，飲落似雜果賓治加d梳打，酸尾尾又甜甜地，好開胃！男朋我嗌咗個肉眼排，大概7成熟左右，入口唔會靱，都唔錯我就嗌左個帶子蒜香意粉，蒜味都重，但成個意粉味道配合剛剛好！又會太咸或太淡，加左車里茄帶點清新。帶子原殻上感覺好霸氣，重點係味道係好既！我地仲嗌咗小食，炸魷魚圈，配他他醬，味道係好夾。個炸皮都脆，好香口，只是偏硬了少少，如果無咁硬就更好我就唔食蠔既，而男朋友最欣賞依個蠔，佢揀大煙肉芝士焗，醬固然好味，蠔既質素都幾好，唔會腥。最後食埋最喜愛既蘋果金寶，焗出尼熱辣辣，蘋果夠甜一啖蘋果肉同餅碎加啖雪糕，好好味！我地食咗咁多野，質素又不錯，埋單都只係$430！真係抵