Boring?! (新都會廣場) (Moved) New Location

老友係新都會廣場返工，今日去接佢放工行街食飯， 行到累佢話想食 Boring ， 呢到有唔同價錢的餐 ，有 AA, AB,BB幾款唔同價錢選擇的合拼咁， 咁我地又唔係太餓就叫左 AB款。小食叫左白酒煮青口，白汁味濃中帶點酒香有5隻青口。主菜的燒春雞，用香草牛油炒過的本菇特別香， 配菜的薯仔炸過亦好香口， 燒春燒份量有半隻， 配上佢地的醬汁唔錯雞肶幾滑。而個虎蝦墨魚汁意大利飯，意大利飯都有小小煙韌口感，食完成個咀黑色好搞笑。同得朋友食飯點都會嘆返杯特飲，因一路傾一路飲特別爽，我飲左杯幾清新的蜜瓜乳酪奶昔，唔會過甜有蜜瓜香，而老友超多朱古力的甜，就飲薄荷朱古力沙冰，沙冰夠哂凍呢d 天飲就最舒服。