CHOWTIME

Open Now

Now Closed

馬鞍山平靚正西餐迎海樓下嘅商場雖然唔係好大，不過都有間幾唔錯嘅西餐廳，環境舒服又夠大，啲嘢食都好抵食，晚餐幾十至百幾就有個套餐，包埋沙律、湯同嘢飲。焗西班牙黑毛豬配蘋果醬，$138推介呢個黑毛豬，焗得啱唔好，好嫩，望落去好似冇乜味，但原來係有味㗎，配上蘋果醬甜甜哋，真係好唔錯，仲有啲菜都焗得好好味，加埋薯角，正。芝士海鮮麵包芝士都算多，流晒出嚟，海鮮有蝦、青口同扇貝，不過我反而鍾意食麵包多啲🤣外脆內軟，加埋芝士，好夾。另外叫咗個小食--洋蔥圈，炸到卜卜脆，好香呀。而甜品都係我哋必點嘅嘢，我嘅首選一定係tiramisu😆應該係急凍嘅，味道ok嘅，不過建議可以提前少少解凍。另外叫咗個牛窩夫、蛋白餅配雪糕，牛窩夫好味嘅，夠邪惡，但係蛋白餅第一次食，原來係咁硬㗎🤣2個人食咁多嘢，一定食唔晒，最後勁飽勁飽。