浦井韓食居酒屋 (Closed)

今日又去左睇戲，去I square 睇戲好方便，又近地戲院付近又多野食，朋友a又吾想食西餐，朋友b又吾想食日本菜，最就腳就係呢間韓國菜浦井，大家無異議就坐低左地方真係好新，好舒適今次多左好多套餐，三人餐先係$338 有主菜2個，炸雞，甜品同飲品朋友b話一定要飲酒，點了一窄桃味米酒主菜點了韓式牛肉鐵鍋飯熱辣辣，勁多配菜，牛肉又淋又多汁，中間有隻蛋黃，撈均後飯更加香滑，鍋底帶有飯焦，口感不錯自己攪拌後所有配菜混合一起，好睇又好味水冷麵，好清，有牛展，青瓜，蛋，仲有梨，好特別，好清甜，食落感覺好舒服蜜糖味炸雞，好多蜜糖醬，雞皮好脆，好好味，有4隻，size 吾太大，對我黎講好足夠桃味米酒，勁好飲，好香桃味，小小酒味，d味一d都吾假，似係新鮮桃味感覺，真係太好味，好快飲晒因為實在太好味，忍吾住試埋芒果味米酒，芒果味無桃味咁甜，酒味較重桃味似果汁，芒果果似果酒，2款都好好味，女仔應該會偏好桃味多d跟餐有2杯柚子茶，開頭以為係茶餐廳果d，點知原來係特飲果款，好好味，有柚子味，又香，而且吾甜，太好味，即刻覺得勁底甜品係朱古力窩夫加雪糕，窩夫即制，上枱時仲熱辣辣，而且仲脆，加朱古力漿同可可脆米，好好味