吉豚屋吉列豬扒專門店

Open Now

Now Closed

其實本來係想食隔離兩間新開鋪頭既，但係見到排到十點都未必入到，見到吉豚屋門口Promo豚肉鍋幾吸引，就轉軚入左黎食。因為全家都好怕食炸野，所以就叫左三個豚肉鍋，一個壽喜燒，兩個味噌味。因為今晚都幾多人，同埋伙計都幾忙既關係，過左差不多十分鐘先試菜，一開始仲漏比左個烏冬。火鍋既份量剛剛好，料同味噌湯底都清清地，烏冬都算比得大碗，食完就岩岩好飽了。另外，仲口痕叫左個炸雞小食，試試佢地既炸物，果然唔差，外表好脆，雞肉幾嫩，配上酸酸地既醬，好夾。