壹號車仔麵 (Closed)

「壹號車仔麵」位於富輝花園商場地下，由馬鞍山站行過去都唔使10分鐘，沿路經商場天橋好方便。小店應該係主要做街坊生意，三餸車仔麵都只係$38 ，佛心價錢，貼地平民價好受街坊歡迎👍我地嗌到成台嘢食都唔使$200，超級抵食😄車仔麵淨係麵底麵已經有8款，仲有超過20款餸可以揀，而且有數款仲係手工功夫菜，現包雲吞、手打鯪魚球等等，三餸麵都係$38😮每加一款餸麵只係加$10 ，抵食。香茅豬扒+蠔油冬菇+手功鮮蝦韭菜雲吞+烏冬豬扒有手掌咁大片，仲貼心地將豬扒剪成小件方便食用，鮮蝦韭菜雲吞真材實料，真係有粒粒蝦肉而且皮薄餡多🤩🤩手功鯪魚球+糖心蛋+一口牛腩+米線兩粒乒乓球咁大嘅鯪魚球，爽口彈牙，重點係無細骨同唔會腥，一口牛腩份量唔少但再稔少少就更好，糖心蛋必點，糖心蛋黃超滋味，米線份量大，絕對無將貨就價😎腐乳通菜正常水準，如果腐乳醬再多啲就更好台式牛腱🏆有驚喜推介，滷水汁牛腱好入味，喜歡佢甜中有鹹嘅味道，作為前菜冷盤💯💯甜炸椒鹽魷魚鬚🦑炸粉薄薄一層加添脆感，但完全唔會過厚，係真係食緊魷魚本體而唔係食炸粉漿👍