肯德基家鄉雞 (KFC)

Open Now

Now Closed

同老公行行吓街口痕，就入咗去KFC食嘢。哩間分店好寬敞但座位唔多、枱同枱之間隔得好開，所以坐得都舒服。咁啱人流少，加上疫情嚴重，一入去就有位。兩個人叫咗一個餐，$39三件雞加杯汽水，認真抵食！我哋叫咗辣雞，哩間舖啲雞一直質素都唔錯，我最鍾意係佢哋嘅巴辣香雞翼，但今日無叫。哩個餐有一件雞胸、雞髀同雞上髀，$39真係唔敢有怨言，味道一如既往，無令人失望，雞皮脆卜卜，雞肉亦好嫩。咁啱今日做網上問卷有葡撻送，我就梗係唔執輸，立即做，立即送，KFC嘅葡撻一直都係信心嘅保證，雖然今日味道麻麻，好似有少少undercooked咗，但唔使錢就無所謂啦。