越好

Open Now

Now Closed

Happy Friday,放左工同老公去左沙田-越好食晚餐。我最鍾意就係食越南菜，哩間岩晒我口味，叫左二人套餐，包兩個主食、兩個小食、兩杯野飲，晚市二百蚊有找，非常抵食，食物質素高質😋😋豬扒湯河-份量勁大碗，湯底非常濃郁，河粉幼細，豬扒分開碟上，炸得香口野味，啖啖肉。招牌四寶湯河，有牛腩、牛丸、牛肉、牛𦟌，十分豐富。小食方面整得出色，點左炸蝦餅同蝦醬雞翼。炸蝦餅-蝦餅炸漿不厚，外脆內軟，啖啖蝦味。蝦醬雞翼-炸得香脆大件，肉質嫩滑。最後叫左兩杯野飲，蜂蜜柚子茶及桂圓紅棗茶-兩杯溫度夠暖，不燙口，味道清甜。