越北牛肉粉專門店 (Closed)

平日兩點嚟食已經排晒隊，呢度價錢抵食、選擇多，基本上越南粉麵、小食、飲品都應有盡有。▶️越北綜合牛肉湯粉河$58湯粉湯底幾夠味，河粉夠滑。配料有生牛肉、牛腩片、牛丸。生牛肉唔錯幾香，牛腩幾林，牛丸幾彈牙。▶️海防番茄蟹湯檬粉$65呢個蕃茄湯底香濃，檬粉都幾多。有好多蟹膏、仲有蟹肉、扎肉、蝦丸，都相當足料！▶️河內炸春卷2件 +$15春卷炸得香脆，有少少黑椒香味。仲配有生菜🥬▶️炸蝦餅 +$28質感有啲似魚餅，幾香口～點泰式辣醬唔錯！▶️桂圓紅棗茶+$8超級多紅棗、杞子，好足料，有桂圓甜甜地。▶️熱咸吉水酸酸地有咸吉味幾好飲！