河內越式料理

Open Now

Now Closed

尖沙咀站📍河內越式料理-好耐冇食越南野🇻🇳，一諗起越南即刻覺得熱🔥，仲記得上次暑假去成40度真玩命🥵（不過最爽係瘋狂call的士，去到真係數百萬當係碎銀✌🏻💸）越式豬頸肉撈檬（$60）不論pho有幾吸引，如果有撈檬，女朋友毫不猶豫直接簡撈檬🤭貪佢酸辣清新。雖然話撈檬既餸係重點，但女朋友更重視既係撈檬汁😂最中意夠酸甜醒胃，呢排咁熱食夠晒消暑😅😎呢個撈檬汁正合佢心意（次次食撈檬落人地半枝汁，我都唔好意思😹，撈檬都變湯檬，睇最尾個張圖就知）豬頸肉爽口彈牙，都有成7片，厚薄適中，配埋甘筍絲、青瓜絲、生菜絲等等，清新開胃！呢次佢竟然清晒，如果再多d檬粉就好，我都可以食下嘛😹越式河內三寶飯（$70）呢個3寶飯d肉多到我都坦唔著😹有扎肉、香茅豬扒同香茅雞翼。雖然我係食肉獸，但都食唔晒d肉🍖配埋甜豉油撈飯，男人既浪漫～最欣賞佢有附送蔥油😻以上兩個套餐另外加咗一份炸蝦餅（$29）同一份炸春卷（$20）。蝦餅正常發揮，春卷想encore！大大條，餡料十足😍炸得岩岩好，唔會太硬身。兩個餐都加左$12轉特色飲品，分別要左青檸梳打同熱情果冰，消暑一流！環境方面，店面唔算太寬敞，不過衛生企理，坐得舒服。