越式越好味 (Closed)

今日我約咗朋友們一齊喺深水埗食晚飯，誤打誤撞入咗呢間餐廳食越南菜。呢度啲食物價錢都好親民，可能主要都係做街坊生意多，價錢方面都唔太貴！都係$50-70左右。我哋各自嗌咗個湯河、撈檬，加埋其他小食可以一齊食！我就叫咗個雞翼撈檬，望落兜野大大碗，雞翼炸得好脆口唔乾，配料都幾多，但略嫌檬汁比較淡味…越南春卷真心推介！原本冇咩期望，睇見條春卷幾足料好大條，咬口十足而且包得好紮實！最後豬頸肉食落都唔錯，但唔算特別吸引！整體來講呢度性價比高，環境乾淨！可以試吓先！