順。越南牛肉粉

Open Now

Now Closed

中環抵食越南餐廳 收工趕住睇戲食個快晚餐，呢間係中環街市既越南餐廳平時中午食開質素唔錯又抵食，今晚過嚟試下晚餐。環境方面中環街市重新裝修過，地方闊落環境乾淨。今次叫左4款食物，份量同質素都唔錯。主食叫左生牛肉牛丸湯河同蕃茄蟹膏蟹肉蝦丸扎肉湯檬 。牛河湯底香 飲落唔會咸口 似無味精。湯溫度岩岩好 唔會整熟晒d生牛肉 ，牛肉既肉質唔韌。蕃茄湯底好清新，適合唔想食咁重口味既人，蟹膏蟹肉份量好足。小食方面叫左2款，炸春卷同蝦餅，個人推薦蝦餅，結實彈牙。整體水準度好高，經開中環嘅朋友可以一試。