越北牛肉粉專門店

Open Now

Now Closed

中午去了大角咀買嘢，行行吓覺得肚餓，剛好路經大角咀大全街22-24號地下B1B號舖越北牛肉粉專門店，看見室內的裝修好有越南feel，於是就入去諗住食午餐，但原來已經差不多兩點，侍應很好提我們兩點可以食下午茶餐，於是我們就叫了兩個下午茶餐，仲可以以優惠價追加小食和飲品。初初以為下午茶餐份量會少啲，但原來同午餐一樣咁大碗。越北綜合牛肉湯河粉$63生牛肉夠嫩滑，牛腩片夠淋，牛丸夠彈牙，好味。越式烤豬頸肉湯金邊粉$63豬頸肉烤得微微焦脆，肉質爽口，不肥不膩，不錯。大頭蝦膏通菜$23第一次食通菜用大頭蝦膏炒，好特別，通菜好有蝦味。蜆港炸蝦餅（細）$32炸蝦餅香脆可口，食得滋味。黑糖薑早茶及蜂蜜玫瑰柚子茶跟餐每杯只需加$8，抵飲又好飲。