匯麵一九五0 (Closed)

今日同中學同學吹水食飯, 下午過來新都城玩。順便就睇下openrice有乜食啦..見有間匯麺館MINMIX新開, 食評都唔錯, 咁就去約去食晚飯啦。由六點開始等, 星期日太多人, 不過食面都好快，等一等就有得入。可能新開, 同埋賣D面都超平,平均碗面先30蚊左右。唔怪得生意咁好啦。都等有半個鐘有位坐, 我哋三個朋友但就坐4人枱, 好舒服。服務員態度唔錯, 好有耐性, 慢慢解釋幾種面有咩特別之處。我就點咗個經典車仔面，有魚蛋，雞翼，大腸，蘿蔔，食材好入味道，魚丸夠彈牙。面條普通軟度, 個湯幾濃, 好重味, 我就覺得鹹左啲, 但都係好食既。兩個朋友點咗牛肉面和肉餅面，睇落份量有D少，不過價錢好平，有咁樣算好抵食啦。牛肉面牛肉得幾塊，面就一般軟，食起來味道都算OK。肉餅面個朋友話肉餅幾好食，粗身面條, 但冇得選軟度, 我個朋友仲有啲奇怪點解得佢冇得選,但其實佢果種面條真係最好食, 我都試左試, 真係好食過我果啲車仔面。整體黎講, 係好出色, 份量都足夠, 大食既食得啱啱好, 細食既一定飽。咁環境咁價錢食到咁樣D面都算滿意。