臨記車仔麵 (Closed)

朋友推介藍田的啟田商場新開了一間好抵食的車仔麵，一碗價錢在三十幾蚊左右，今晚放工就同朋友過黎食下。新開業期間客人已經好多，差唔多坐满。餐廳採用自助模式，先在門口櫃檯落單付款，再在餐廳入面自取食物，搵座位坐低。我今晚叫咗多個餸，魷魚，雞翼，豬紅，豬皮，蘿蔔，菜心，溏心蛋等，平均每個餸$10左右，自由組合，麵底揀咗粗底。湯底熱辣辣，係清甜的牛腩湯味，顏色較深，豬紅嫩滑軟稔，入口即溶，雞翼肉質入味，鮮甜可口，而粗麵係食車仔麵的最佳配搭，入口軟滑有嚼勁。小食，雞軟⻣，炸得卜卜脆，入口爽脆惹味。