寶記車仔麵 (Closed)

發現喺公司附近嘅熟食市場有間車仔麵，見佢環境幾乾淨就買咗外賣黎試吓。價錢方面，$28三餸，平時食開嘅車仔麵都要差唔多$40，呢個價位真係冇得輸！今次我嗌咗3餸+菜心，只係$31打開見到餸俾得算多，豬腸雖然望落唔深色，但都好濃味好好食；韮菜餃有2粒，入面包得超飽滿超足料；魚皮餃就正常；菜心新鮮爽脆；米線好多，入口好滑，而且唔會煮到過腍，好好食。overall呢個價錢+呢個質素係完全無可挑剔，絕對會再幫襯！