牛極 (大全街) (Closed)

收工好想食肉，即刻諗起牛極，即興約埋朋友食個快飯。我揀左牛柳，朋友揀左牛肩。其實兩種都好食，不過牛柳就會更加軟嫩，唔使咬咁多下🤣例牌自助買左飛就出去拎飯、沙律同羅宋湯。一個餐包咁多樣野真係好抵食，仲要係任食！雖然都唔食得多，但任食真係好良心。畢左白飯可以任加紫菜粉，爽。牛柳黎到會有張餐紙蓋住防止有油彈出，最好等兩三分鐘先打開，跟住切開辣一辣兩邊就食得。牛柳真係好嫩滑，加啲蒜蓉同黑椒食好正。沙律可以加柚子醋或者芝麻醬，我地食左兩碗😋