十三姨酸菜魚 (Mikiki) (Closed)

天氣涼涼地就帶埋媽咪去位於新蒲崗「十三姨酸菜魚」食返個暖笠笠嘅酸菜魚。入到餐廳環境光猛，又坐得舒服，餐牌上的菜式亦好吸引，最後我們選擇招牌二人套餐，套餐包括一份魚、一個小菜、兩份小食給兩碗白飯。招牌十三姨酸菜魚一上枱即刻飲一啖湯先，湯底酸辣度適中，一啲都唔油膩，魚肉質好鮮嫩，份量亦不少，配菜仲有薯粉、萵筍及酸菜，全部都好入味，配白飯一流👍腩肉炒花菜鑊氣十足，色香味俱全，腩肉切得好薄炒得好香口。酸辣小木耳/擂椒松花皮蛋木耳爽脆開胃，皮蛋辣辣地做到流心效果。紅糖糍粑外皮酥脆，內𥚃軟綿綿，甜甜地又有咬口，必食👍冷泡玫瑰茉莉茶/王老吉飲品有自家製茉莉茶及王老吉涼茶，解膩一流😋