麻辣娘子 (新都城中心) (Closed)

下午茶時間嚟呢到，人流唔多，座位相當闊落。點餐係類似車仔麵咁去寫紙仔，首先揀湯底然後揀餸，湯底三款：四川春辣湯、清湯和酸菜魚湯。我就叫咗酸菜魚湯，記住呢個只係湯底，需要魚要係配菜到剔埋鮮魚片！最後我揀咗酸菜魚金針菇米線$48，呢個價位嚟講絕對對得住有餘！對於我呢個唔太食得辣既人嚟講我都可以食得到，有麻香又夠酸！一碗既份量都幾大碗，而鮮魚片係絕對要嗌！因為魚質好滑而且無骨，塊塊都幾大舊而且數量都幾多。同行朋友就揀咗酸菜魚湯萵荀鴨紅紅薯粉，佢就認為紅薯粉好彈牙，而萵荀同鴨血都唔咪常見到有得揀既配料，味道唔錯，但餸既份量同鮮魚片比起就無咁多。