好味來正宗重慶美食 (Closed)

今日同朋友去紅館睇演唱會，去之前當然就要醫肚先先啦，我地去左一間小店到食重慶野。佢呢度全部都係地道既重慶菜式。重慶既野食大部分都係辣既，所以我地就點左杯自磨豆漿解解辣。豆漿唔會好甜，有清清既豆味，感覺好健康。我地點左個雙拼餃子，分別玉米香菇餃同埋韮菜豬肉餃，呢度既餃子係每日新鮮製作，賣哂就冇架啦。仲有紅油抄手，點左少辣，唔錯！呢個自製涼麵亦都唔錯，好地道既味道。食哂啲主菜，係時候食甜品啦，食完啲辣野，食一碗玫瑰冰粉就最適合不過啦！