Video
Read full review
2013-10-27
453 views
2月28日, 今日呀菲又搵呀比食飯~ 鰂魚涌一帶午飯時間都人頭湧湧, 而且不論好食唔好食嘅地方價錢都係唔平... 我地漫無目的地朝著北角方向行下行下咁搵到呢間七重天餐廳, 記得以前係炮台山有一間, 賣嘅都係d港式西餐, 睇在佢無乜人唔洗等位份上, 就試下啦!::: 忌廉湯 + 俄國牛柳絲意粉 + 凍檸茶 ::: $40+$2忌廉湯都算杰嗰隻, 飲落味道偏淡, 加上幾粒蘑菇, 成個味道都唔突出, 只係可以接受~ 個蒜蓉包嘅蒜蓉都唔多, 只係喺面輕輕一層, 亦唔脆口, 麻麻.俄國牛柳絲意粉上枱賣相十足茶餐廳, 一碟意粉淋上一pat汁就上枱, 不過份量好多, 一定食得飽~ 牛柳味道唔錯, 個汁甜甜地幾開胃, 肉質都好淋~ 但係意粉淋過頭, 加上d汁, 失去咗個口感.凍檸茶正正常常, 檸味較少, 茶味偏濃~::: 羅宋湯 + 黑椒肉眼扒 + 凍奶茶 ::: $48+$2呢個羅宋湯雖然唔太啱我口味, 但無可否認佢都幾正宗~ 湯底有超濃嘅番茄同肉味, 同埋正宗羅宋湯會有嘅辣椒味! 其他配料亦十分足料, 椰菜蘿蔔牛柳粒都好多, 成碗都係, 味道都唔差. 送湯嘅蒜茸包蒜味一般.黑椒肉眼扒份量相當大!
::: 忌廉湯 + 俄國牛柳絲意粉 + 凍檸茶 ::: $40+$2
忌廉湯都算杰嗰隻, 飲落味道偏淡, 加上幾粒蘑菇, 成個味道都唔突出, 只係可以接受~ 個蒜蓉包嘅蒜蓉都唔多, 只係喺面輕輕一層, 亦唔脆口, 麻麻.
俄國牛柳絲意粉上枱賣相十足茶餐廳, 一碟意粉淋上一pat汁就上枱, 不過份量好多, 一定食得飽~ 牛柳味道唔錯, 個汁甜甜地幾開胃, 肉質都好淋~ 但係意粉淋過頭, 加上d汁, 失去咗個口感.
凍檸茶正正常常, 檸味較少, 茶味偏濃~
::: 羅宋湯 + 黑椒肉眼扒 + 凍奶茶 ::: $48+$2
呢個羅宋湯雖然唔太啱我口味, 但無可否認佢都幾正宗~ 湯底有超濃嘅番茄同肉味, 同埋正宗羅宋湯會有嘅辣椒味! 其他配料亦十分足料, 椰菜蘿蔔牛柳粒都好多, 成碗都係, 味道都唔差. 送湯嘅蒜茸包蒜味一般.
黑椒肉眼扒份量相當大! 黑椒汁淋得亦相當慷慨, 除左黑椒味, 蒜茸味亦不少, 用以點綴無乜肉味但夠厚身嘅肉眼扒算是頗為稱職~ 配上傳統港式淋patpat意粉同灼蔬菜~ 港式扒餐風味濃郁, 而且亦夠食得飽.
凍奶茶又要求了高難度的少甜少冰, 茶奶比例往往令水吧難以掌握... 結果呢杯奶茶茶味濃過奶味, 少甜又再被溶冰溝稀...
觀乎地點, 呢度都算較遠離商業中心, 所以等位情況會較好. 雖然食物唔算十分出色, 但作為一個飢餓嘅打工仔, 呢度都不失為一個大件夾抵食嘅選擇!
Post
