板上 (桂林街) (Closed)

出開去深水埗附近買電腦野，梗係要睇下有咩好西可以食下啦。網上見到呢間既lunch set好似幾抵食，個賣相又唔差，所以揀定左午餐就食呢一間。叫左雞扒便當同埋雪花一口牛。便當嘅賣相真係唔錯，雞肉唔會乾爭爭。肉嘅份量都幾多，而且有兩格係菜嚟嘅，食多左d肉都唔怕嘅，有d菜可以中和番。午餐仲要跟飲品，有杯綠茶飲都唔錯啊！另外仲叫左個一口雪花牛都唔差，一口雪花牛唔會好"un",，肉嘅份量都算多，可以舖平喺個飯上面，食完都夠飽㗎。至於味道就無話特別驚喜，穩穩陣陣。汁唔會太鹹，經過可以試下啊！