野郎Stone (Closed)

見到呢間越黎越多分店，又聽過有朋友試過覺得唔錯，所以特登黎試一試佢。呢到既落單方法幾得意，似日式拉麵店咁自己禁機揀野食。呢度主打食牛，好多選擇，牛既部位分得好細，連牛板腱、牛隔膜都有。另外，又可以按自己既胃口揀番份量。最後，揀左試特別D既牛隔膜，可能我去既時間仲早，客人唔多，上餐好快手。餐包左主食、湯同沙律。主食有飯、意粉、薯菜可以揀，好有舊式扒房既感覺。牛隔膜食落好有口感，用鐵板上最大既好處係可以按我自己既喜好，整番岩我自己既熟度。我揀左主食配飯，上面灑左味道似鰹魚既粒粒，好香好夾，唔錯唔錯。