馬德里餐廳

Open Now

Now Closed

深水埗馬德里餐廳，主打懷舊鐵板餐，仲有各款西式焗飯、意粉、馬來咖哩、全部跟餐湯及餐包。餐湯：羅宋湯好足料，有好多唔同種類既蔬菜，味道濃郁；忌廉湯濃稠適中，加上軟綿綿既餐包，絕配組合。日式芝麻醬田園沙律：沙律菜爽脆清新，配菠蘿、粟米、蕃茄仔，整個配搭非常開胃。法式蒜蓉焗田螺：田螺充滿蒜蓉和牛油既香味，薯蓉好綿滑，口感令人滿意。懷舊鐵板牛魔王(肉眼拼牛舌)：個牛肉眼扒真係無得輸，七成熟，煎得剛剛好，肉夠嫩也很少筋，牛舌完全唔韌，軟腍彈牙，配黑椒汁更加香辣惹味。懷舊鐵板珍寶什扒：每份什扒包括雞扒、豬扒、珍寶腸和煎蛋，疊得高高的，上枱好震撼，加上咸度適中既燒汁，香味四溢。呢間餐廳價格實惠，份量十足，服務態度殷勤，值得推介。