Video
Read full review
2019-09-11
4477 views
以黃色做主調o既樓上西餐/cafe，一面有住大片玻璃窗可以居高臨下欣賞到彌敦道o既夜景，氣氛唔錯。有得散叫，亦有晚餐同二人set，我地點o左一個精選二人套餐($448 未加一)，因為朋友計過，會比叫兩個餐再補回頭盤甜品平大約$50。是日餐湯係雜菜雞湯，因為係西式o既煮法，唔會話好似中式老火湯咁濃雞味，味道接近羅宋湯，但係無蕃茄。除o左湯之外，仲有一片蒜蓉法包。頭盤可以六選一，有沙律、特色薯條同雞翼等等，我地揀o左英式炸魷魚圈，酥炸o既外層，點埋沙律醬靈舍好食～主菜可以揀安格斯牛扒、黑毛豬或者羊扒，因為羊比較少食，所以嗌o左紐西蘭羊西冷．露絲瑪利燒汁。好香羊酥味，講緊唔只係未食o個陣聞上去，而係食完之後齒頰之間o既留香。相比起用上露絲瑪利亦都即係迷迭香調製o既燒汁，個人覺得那綠色o既薄荷醬更加惹味，味甜而帶微薄荷芬芳。羊扒附有一份生菜、西蘭花同埋焗薯，生菜淋上o左黑醋汁，味道酸甜，而個焗薯就真係激好食，有少少類似茄子一樣咁腍，同埋好多油，真係好香口，我都朋友都一致俾滿分！跟餐有一個飯或者意粉，點o左龍蝦汁大蝦露筍意大利飯。d 蝦略嫌有少少乾身，同埋個別o既露筍有渣，但仍然算ok，尤其龍蝦
是日餐湯係雜菜雞湯，因為係西式o既煮法，唔會話好似中式老火湯咁濃雞味，味道接近羅宋湯，但係無蕃茄。除o左湯之外，仲有一片蒜蓉法包。頭盤可以六選一，有沙律、特色薯條同雞翼等等，我地揀o左英式炸魷魚圈，酥炸o既外層，點埋沙律醬靈舍好食～
英式炸魷魚圈
36 views
0 likes
0 comments
主菜可以揀安格斯牛扒、黑毛豬或者羊扒，因為羊比較少食，所以嗌o左紐西蘭羊西冷．露絲瑪利燒汁。好香羊酥味，講緊唔只係未食o個陣聞上去，而係食完之後齒頰之間o既留香。相比起用上露絲瑪利亦都即係迷迭香調製o既燒汁，個人覺得那綠色o既薄荷醬更加惹味，味甜而帶微薄荷芬芳。
羊扒附有一份生菜、西蘭花同埋焗薯，生菜淋上o左黑醋汁，味道酸甜，而個焗薯就真係激好食，有少少類似茄子一樣咁腍，同埋好多油，真係好香口，我都朋友都一致俾滿分！
紐西蘭羊西冷•露絲瑪利燒汁
30 views
0 likes
0 comments
跟餐有一個飯或者意粉，點o左龍蝦汁大蝦露筍意大利飯。d 蝦略嫌有少少乾身，同埋個別o既露筍有渣，但仍然算ok，尤其龍蝦或者蟹類不知為何好多餐廳都好容易整得好鹹，然而呢個risotto 則夠味得o黎唔會。
龍蝦汁大蝦露筍意大利飯
28 views
0 likes
0 comments
甜品係西班牙玉桂條伴雪米糍，雖然上到檯係忌廉墊底o既雲呢拿雪糕。朋友之前真係o係西班牙食過呢隻churros，感到好懷念。玉桂棒口感似沙翁但結實一d，一樣都係蘸滿糖粒。佢本身微溫，同雪糕形成對比，亦都可以一齊食。
西班牙玉桂條伴雪米糍
22 views
0 likes
0 comments
最後兩杯餐飲，我地都不約而同，想飲english tea，一杯叫o左lemon & ginger，另一杯則係earl grey。
lemon & ginger
109 views
1 likes
0 comments
earl grey
92 views
0 likes
0 comments
Post
