爺爺雞煲皇 (Moved) New Location

本人最愛就係打邊爐，但要搵平靚正就比較難，近排試過新蒲崗爺爺，覺得值得推介。呢個雞煲海鮮餐，先黎食個雞煲先，大中小辣或者唔辣都得，我本人唔食得太辣，於是點小辣，雞煲香口，好食，份量足。食完雞煲，加湯打邊爐，跟餐仲送一碟手切肥牛，炸蝦丸，拍青瓜，響鈴，䈑筍，生菜，烏冬。海鮮方面，全部新鮮，有蝦，有廣島蠔，有蟹，鮑魚，仲有魔鬼魚，全部好有水準，隻蟹新鮮到放落湯仲識郁，而且多膏肉厚，最後結果都食唔晒，生菜同烏冬都要打包，叫埋啤酒，兩人都唔洗600蚊，甘抵，去邊度搵？