冧廚 (Closed)

朋友請食飯，朋友話請我食三重奏，原來就係食雞煲，火鍋同韓燒，朋友帶我去左屯門工業區冧廚食，諗住價錢應該都唔平，點知原來只係$158就可以食齊3樣野。餐廳通風系統做得好好，唔會食完成身味。韓燒、火鍋配料、熟食、甜品、湯，飲品都係任飲任食雞煲未黎之前我飲左碗人蔘雞湯，人蔘雞湯味道好濃郁，無味精，飲得出好足料，我同朋友每人飲左3碗。雞煲即叫即炒，所以等左一陣有得食啦，雞件已經炒熟，所以一上枱就食得啦，入面仲有好多我至愛既洋蔥，雞件唔會有好多碎骨，而且份量都好多，雞件已經入晒味，雞汁好惹味，仲有雞件可以無限添加食完雞煲就打邊爐，我地拎左少量火鍋材料打邊爐，因為食得太多雞，已經飽飽地。打完邊爐就要韓燒一下，我地都係拎左少量配料。最後食埋個甜品就已經飽到上心口啦。由其餐廳既牛奶布丁好濃好香好滑，我地每人食左3杯。