荷里活冰室 (兆禧苑商場)

Open Now

Now Closed

呢間荷里活冰室喺兆禧苑商場地下，喺屯門碼頭站行過去好近，好方便！冰室入面好大，有好多座位，有唔少卡位，坐得好舒服👍睇餐牌，發覺有好多選擇，成日過嚟食都唔會悶！✨鮑魚雞煲（半隻） $148近排天氣涼涼哋，好想食雞煲，我哋叫咗個鮑魚雞煲，雞煲熱辣辣，啲雞肉嫩滑，又有鮑魚，配埋佢秘製嘅醬汁，送飯一流👍呢個價錢已經包埋白飯同埋老火湯，抵食👍沙嗲金菇肥牛煲 沙嗲金菇肥牛煲都好正，入面好足料，又肥牛、金菇、粉絲、紅椒、青椒、洋蔥等， 十分香口惹味，又係好啱送飯，食到好飽🙈餐廳環境舒服乾淨，食物又好味又抵食，係幾好嘅選擇👍