好炒得 (Closed)

立即Follow ig @itadaku_hk 每日速遞最真實飲食情報！🐻🍴 【抵食雞翼+小食放題】$68又有雞翼放題喇🤪今次仲有埋小食添！ 小編成日周圍見到有雞翼放題都好想試，襯今日有時間就即興同朋友去食。-呢間野開係廣場入面，原本以為好多人，所以早就book定位先😎 但晏就3點去到人唔多，位置仲好闊落。一坐低店員就話我地聽今日有邊款雞翼同埋小食，好可惜今日得兩款雞翼咋😱😱可樂雞翼同蜜椒雞翼 — 而小食就有豬皮蘿蔔魚蛋、甜酸醬炸牛丸、魚肉蒸燒賣 — 介紹完之後，店員都隨即上菜，速度幾快手，服務態度抵讚👍🏻-雖然得兩款雞翼，可樂雞翼炆得夠入味，咬落去肉汁豐富，餣得唔錯。蜜椒雞翼炸得脆卜卜，蜜糖味啱啱好，唔會太甜。黑椒味都幾出，比例啱啱好😗😗但係得兩款雞翼就有小小失望，食得多會有小小厭，而且小編自己比較想試B仔雞翼😝-小食方面有三款，豬皮蘿蔔魚蛋略嫌比較淡左小小，唔多入味😰唔太適合重口味既小編。甜酸醬炸牛丸炸得唔錯，牛丸包住一層薄薄地既炸漿，每一啖牛味都好重。魚肉蒸燒賣要讚既係食得出用魚蓉整既，唔係普通麵粉整既燒賣，配埋豉油幾好食pp-加10蚊仲有汽水任飲，加埋加一服務費平均每個人$85