利廣成魚蛋粉麵 (Closed)

好食嘅嘢唔洗一定貴。今日lunch就去咗一間好＂地道＂嘅粉麵舖食平嘢。平時等巴士都有留意呢間舖，似係開咗好一段時間，有番咁上吓歷史嘅粉麵店。店內全係圓枱圓櫈，但環境尚可接受。雲吞河$20一碗，但絕不欺場。有5粒雲吞，幼河粉，夠薄又滑。再加上腩汁，更加好味。加$7有半份炸魚皮，呢度嘅炸魚皮唔似平時食開嗰啲薄薄咁、一浸就淋。魚皮厚得嚟夠香夠脆，好有口感。又平又好食，確係速食之選。