Explore Kitchen (Closed)

旺角呢間樓上餐廳位置方便而且好容易搵，入面座位寬闊，適合多人聚餐。晚市套餐有丼飯、意粉、扒類選擇，食物質素唔錯，以晚市西餐黎講價錢合理。🥖🥣晚市套餐提供南瓜湯同蒜蓉包，麵包既蒜蓉味唔算濃，但勝在有咬口，一啖麵包一啖湯就啱啱好。🍝🐚 白酒汁蜆肉意粉 $78蜆肉分量非常多，但欠缺其他配菜同醬汁，所以味道比較單調，而意粉口感適中，整體而言中規中矩。🥩🍟 香煎澳洲西冷牛扒配薯條 $88西冷牛扒厚身大份，切開中間可以睇到肉質鮮嫩，牛肉味夠，美中不足嘅係牛扒上面有好多血汁，雖然唔影響味道，但外觀唔討好。薯條啱啱炸好，好香口，但就冇其他配菜。