韓閣 (新都城中心二期)

Open Now

Now Closed

晚上三人行同朋友去咗將軍澳新都城食飯，聽講呢間韓國菜幾抵食，於是我哋就揀咗佢。一入到門口就見到生日有優惠揀咗兩份主食，一個湯，一份小食，仲有一人一杯特飲。韓國拌飯（韓式牛肉）$58韓式牛肉份量充足、搭韓式辣椒醬撈勻其他配料（包括紅蘿蔔、青瓜，同埋豆芽），夏天食涼拌飯就啱啦！好食又消暑。朋友都話呢間最抵食。我自己就幾鍾意佢嘅泡菜，同埋蓮藕配菜，味道唔錯！係呀飲品呢我就叫咗蝶豆花特飲（凍），味道清新唔會太甜，清熱一流！另外兩位朋友就叫咗橙汁菠蘿梳打（凍）。呢兩隻色夠反差，打卡出色。$18 一杯海鮮煎餅 $88一開始我哋仲喺度諗，點解好似冇咗啲青蔥，會唔會唔夠香㗎？一啖食落去呢就發現，個煎餅可以又香嘅海鮮味，點沙律醬或者將附帶嘅醬油都已經好好味。人蔘雞湯 $168個雞湯嘅份量都幾多嘅，不過整體感覺佢就比較淡少少，如果呢搭配一啲重口味嘅韓國菜，可以飲呢個湯，會比較舒服嘅。雞肉幾軟身，味道OK。甜辣黃金豆腐磗 $52呢個小食，真係非常需要推介新鮮出爐嘅黃金豆腐磚，外脆內軟，浸上一層甜不辣醬，豆腐嘅清香味道，剛剛好同甜不辣醬巧妙咁搭配一齊。