Video
Read full review
2015-09-26
683 views
一向都喜歡食韓國野既我，今日同朋友兩個人放工之後就黎食飯。晚市時段收費每位$208，有烤肉同埋1 D熟食，包括湯，年榚，飯等等，汽水都係任飲既，如果另加$38仲可以額外點選「特別推薦」餐牌上面既食物，有肉眼扒，排骨，帶子，帆立貝，雜錦海鮮拼盤，烤牛肉拼盤等等既食物。坐低之後侍應就馬上俾左D前菜我地，有泡菜，青瓜，豆角等等，本人最鍾意既就係泡菜，貪佢夠辣又爽口，其次就係拍青瓜，可以係炎夏中帶黎清新既口感。熟食我地叫左泡菜煎餅同埋人蔘雞湯。人蔘雞湯都幾大碗下，應該都有成4碗咁多，味唔太濃，裡面有人蔘片，紅棗，葱同雞。上菜既時候仲係熱騰騰。泡菜煎餅夠香脆，外脆內軟，辣味夠濃郁，有令人一件接一件吃的衝動，可惜煎餅比較飽肚，唔敢食太多，怕食唔落其他野。至於要燒既食物，我地叫左個海鮮拼盤，有蝦, 帶子, 青口, 魚，魷魚，帆立貝等等。咁多樣海鮮當中我自己最欣賞既係帆立貝，夠大隻之餘仲好鮮甜。除此之外我地仲叫左五花腩，牛脷，豬肉同雞肉。五花腩唔算太肥，但都幾好味，脆口又香口。雞肉算幾滑同醃得幾入味。豬肉肉質同調味都好好。牛脷我自己就唔食既，但朋友食過就覺得佢爽脆，快熟得黎又軟又多汁。下次黎要試圭個湯
晚市時段收費每位$208，有烤肉同埋1 D熟食，包括湯，年榚，飯等等，汽水都係任飲既，如果另加$38仲可以額外點選「特別推薦」餐牌上面既食物，有肉眼扒，排骨，帶子，帆立貝，雜錦海鮮拼盤，烤牛肉拼盤等等既食物。
坐低之後侍應就馬上俾左D前菜我地，有泡菜，青瓜，豆角等等，本人最鍾意既就係泡菜，貪佢夠辣又爽口，其次就係拍青瓜，可以係炎夏中帶黎清新既口感。
熟食我地叫左泡菜煎餅同埋人蔘雞湯。人蔘雞湯都幾大碗下，應該都有成4碗咁多，味唔太濃，裡面有人蔘片，紅棗，葱同雞。上菜既時候仲係熱騰騰。
泡菜煎餅夠香脆，外脆內軟，辣味夠濃郁，有令人一件接一件吃的衝動，可惜煎餅比較飽肚，唔敢食太多，怕食唔落其他野。
至於要燒既食物，我地叫左個海鮮拼盤，有蝦, 帶子, 青口, 魚，魷魚，帆立貝等等。咁多樣海鮮當中我自己最欣賞既係帆立貝，夠大隻之餘仲好鮮甜。
除此之外我地仲叫左五花腩，牛脷，豬肉同雞肉。五花腩唔算太肥，但都幾好味，脆口又香口。
雞肉算幾滑同醃得幾入味。豬肉肉質同調味都好好。
牛脷我自己就唔食既，但朋友食過就覺得佢爽脆，快熟得黎又軟又多汁。
下次黎要試圭個湯同年榚。
Post
