Video
Read full review
2022-10-17
294 views
臨近放工時間重回舊公司探望同事, 再去咗隔離Mikiki一齊食Dinner。呢間燒肉餐廳「一韓燒」由舊同事介紹, 價錢唔貴, 指定飲品有7折優惠, 再加上新張優惠全日免加一, 抵食!餐廳乾淨企理, 就算坐咗唔少食客, 都唔覺有油煙味。供應10款套餐, 每個set跟白飯、韓風湯、三色前菜或者沙律。我地二人每人order咗個set, 再散叫咗d肉share食。散叫系列有半份/全份咁order, 滿足到我地想試多幾樣又怕食唔哂嘅人。三色前菜分別有辣海帶、泡菜、醃蘿蔔粒, 三款都係辣辣地, 正好開開胃。餐湯係海帶大醬湯, 入面有豆腐粒同海帶, 味道唔會過鹹。每張檯上都放了醬油架, 多款醬料自行調配, 滿足唔同人口味。美國牛仔骨 (300g)套餐:牛仔骨好新鮮, 油花平均好靚, 骨又唔會太大同太多肥肉, 特別係烤後近骨位嘅筋膜, 口感超滿足!另一個set就揀咗 牛小排拼橫膈膜肉 (120g)套餐。橫膈膜肉嘅牛脂相對較少, 不過切片完美減少了難咬開嘅口感, 肉味相對濃郁。至於牛小排嘅牛脂分佈平均, 口感比起橫膈膜肉嫩一點, 同樣不錯!由於牛仔骨同埋牛小排我地都覺得唔錯, 再encore咗每款50
臨近放工時間重回舊公司探望同事, 再去咗隔離Mikiki一齊食Dinner。呢間燒肉餐廳「一韓燒」由舊同事介紹, 價錢唔貴, 指定飲品有7折優惠, 再加上新張優惠全日免加一, 抵食!
餐廳乾淨企理, 就算坐咗唔少食客, 都唔覺有油煙味。
供應10款套餐, 每個set跟白飯、韓風湯、三色前菜或者沙律。
我地二人每人order咗個set, 再散叫咗d肉share食。散叫系列有半份/全份咁order, 滿足到我地想試多幾樣又怕食唔哂嘅人。
三色前菜分別有辣海帶、泡菜、醃蘿蔔粒, 三款都係辣辣地, 正好開開胃。
餐湯係海帶大醬湯, 入面有豆腐粒同海帶, 味道唔會過鹹。
每張檯上都放了醬油架, 多款醬料自行調配, 滿足唔同人口味。
美國牛仔骨 (300g)套餐:
牛仔骨好新鮮, 油花平均好靚, 骨又唔會太大同太多肥肉, 特別係烤後近骨位嘅筋膜, 口感超滿足!
另一個set就揀咗 牛小排拼橫膈膜肉 (120g)套餐。
橫膈膜肉嘅牛脂相對較少, 不過切片完美減少了難咬開嘅口感, 肉味相對濃郁。
至於牛小排嘅牛脂分佈平均, 口感比起橫膈膜肉嫩一點, 同樣不錯!
由於牛仔骨同埋牛小排我地都覺得唔錯, 再encore咗每款50g, 即係半份。
另外再order咗牛脷、牛五花、黑毛豬五花各100g,
牛脷唔會太過薄切, 厚度剛剛好, 燒至金黃帶少少趙口, 再配芝麻醬, 正!
牛五花: 牛脂極少, 食落唔會太膩, 亦冇想像中咁鞋。
黑毛豬五花: 色澤粉嫩, 肥瘦相間, 燒後唔會過於油膩。
套餐追加汽水有7折, 但比另一張menu上嘅特飲同甜品所吸引住, 最後叫咗特飲。
青蘋果熱情果梳打: 青蘋果果香味好清新, 大大杯, 超抵!
藍柑白桃梳打: 白桃味突出, 又有少少藍柑嘅澀, 非常夠汽, 食住烤肉飲一流。
最後梗係要食甜品先叫完美!
甜品主要有牛角包窩夫同埋3.6牛乳雪花冰。
抹茶紅豆牛角包窩夫: 將牛角包麵團焗壓成窩夫, 再於表面放上抹茶紅豆忌廉, 口感creamy又唔會太甜, 細味仲食到牛角包嘅層次。
抹茶紅豆3.6牛乳雪花冰: 雪花冰打得極幼細, 做到入口即溶, 每啖都充滿濃郁牛乳味, 加上面層抹茶配料同埋抹茶雪糕球, 仲有甜得黎又夠林嘅紅豆, 整個配搭prefect match!! 推介!!
Post
