大同韓燒 (Closed)

估唔到大角咀呢頭都有呢類任食韓燒食，仲要都真係好抵食。我哋一行八人，鋪頭安排咗一張長枱畀我哋坐，有兩個爐可以用。張枱就係正攞嘢食嘅地方隔離，非常方便。韓燒嘅食物種類非常豐富，除咗有唔同嘅蔬菜，仲有海鮮，同埋多款肉類。又有多款餐前小食同埋拌菜可以拎。泡菜同芽菜都幾好食。又會有壽司食，仲不定時會出埋玉子燒。整體嚟講，食物嘅質素都算唔錯，啲肉都算幾新鮮，食落唔會有太老嘅感覺。 食落如果覺得太油膩，仲有好多款蔬菜同埋海鮮食，中和番。最後餐廳仲有個甜品櫃有甜品揀，仲會有雪糕食。