韓舍 (Closed)

是日出來元朗物飾裝修用料，行左大半日，晚餐有好好犒勞自己搵食時間唸起元朗泳池附近有間韓燒，好耐無去過，就去食餐韓國的。入去見到，唔同晒喔，d爐換晒墊牛油紙燒，抽氣系統都提升左，無咩油煙味。座位舒服好多。我地一坐低，檯面擺左新鮮包心菜，同埋泡菜。爐竟然有四邊，店員亦好快幫我地倒爐邊蛋，同埋芝士粟米另外兩邊系人參湯，店員細心教我地可以用黎煮菇。期間不定時會黎fill。連服務都好左好多啊，讚！行出來見到熟食區都好多選擇，推薦麥樂雞，好味過m字頭牌子😏另外芝士焗西蘭花亦可以一試。更加估唔到有水煮魚，真係新奇。轉身見到有最愛冷烏冬，真係要食啦。自己配湯份量，稻田烏冬既size，好爽口，汁料好配合！肉料好多不同選擇，餐廳切到肉大大塊，燒一塊可以一台share。用包心菜包燒豬腩肉+泡菜+醬料，簡直無得輸女人第二個胃梗係要食甜品！哇，好多選擇啊，芒果pancake 連唔鍾意甜品既細佬都讚。我最鍾意禾果子，彈牙軟屬，甜度適中。總括，今次對韓舍加分了，以往都覺得平價韓舍甘，見到環境，食物，服務既進步，值得推介。平靚正！