韓正屋韓國料理 (海壩街)

Open Now

Now Closed

荃灣一向都好多野食，今次食下韓國野都有驚喜，因為真係好抵食呀。我地叫左個2人餐，2人餐佢都有3款比你簡，我地個款係有韓式鐵板牛肋骨，韓國海鮮純豆腐湯(配飯)，同埋石頭鍋飯，可以簡牛/雞/豬。佢仲會配有2個小菜，原來小菜可以自己簡，我地就簡左泡菜同波菜。呢到既泡菜唔係好酸個款! 韓國豆腐海鮮湯入面有D魷魚，有豆腐，有蛋，有金姑，都幾足料。而個湯就唔算好辣。一開始睇少左呢到既份量，原來牛肋骨好多! 調味都好足夠。石頭鍋飯辣醬另上，可以自己調較辣度，同埋個飯真係好大! 仲送2杯野飲，叫左熱柚子蜜，正常水準。另外，我地都叫左紫菜包飯，只係廿幾蚊，出面好多都40UP 架! 所以呢到真係好抵食！ 下次都會再黎