三清洞摩西 (Closed)

韓國黎既三清洞專做年糕鍋，豐富配料配上韓國辣醬同芝士無得頂。首先每人要揀一個鍋，分別有芝士、海鮮、烤肉、部隊、雜菜。
鍋係韓國甜辣醬底，甜身惹味，辣度唔算太勁，岩哂唔太食得辣既人。烤牛肉薄身軟滑又唔肥膩，肉味亦香濃。部隊鍋就有午餐肉、腸仔，鍋本身已經有年糕、魚糕，越煮越好食。揀完鍋就揀麵底，拉麵、韓式粉絲、烏冬、細麵
，食部隊鍋點可以唔揀拉麵。軟滑既麵加上大量滑溜既芝士，口感軟滑又惹味，食唔停口。仲有唔少特別既配料揀 (每款$18)，
可以再追加午餐肉、魚餅
、紫菜卷，炸得香口。紫菜包住粉絲，甜辣既湯汁入哂味，好香口。豬肉餃子，炸餃子，豬肉餡餃子啖啖肉，炸餃子更香口。想拉麵更正更芝味既就一定要追加芝士 ($25) 包你食唔停。最後仲可以追加炒飯 ($25)、芝士炒飯 ($35)
。芝士炒飯加入紫菜炒，紫菜好香口，成個飯都好香芝士，份量薄薄一層唔洗食到飽死。價錢實惠，就算叫完鍋再追加所有野，兩個人都唔洗$400就得。