阿堂魚湯 (Closed)

今日原本約左係太子附近既舊同事食飯，但點知因為某些原因，佢無時間離開公司，變相要獨自尋食。見依間價錢都幾吸引，見佢個環境都唔錯，就入去試下。見佢一個$50內既午餐竟然包埋前菜，湯同氣水，真心想睇下會煮D咩出嚟。本人就叫左最保障既A餐：吉列豬扒定食。個餐一放上台，嘩，都幾豐富下。沙律都幾大份，豬扒都唔少。份量絕對夠飽。佢既沙律算新鮮，食落口感唔錯。佢既豬扒炸得唔會過乾，有肉汁，唯一不足係炸粉唔貼豬扒，一夾落去，會散。甘既價錢，算係好抵食。