齊柏林熱狗店 (樂軒臺) (Closed)

要數小食店 最愛之一既絕對係佢-齊柏林 。 店舖開左係好多地方 總有一間係附近。 今次去開買飲品 咁岩見到附近有分店 。 係冇晚市既情況下 佢絕對係我既心水。去左幾次齊柏林 個人最中意叫既絕對係佢既芝士薯條（$25） 。 佢地係即叫即整 ，絕對新鮮出爐 而且唔會等好耐 夠哂方便。 位於橋底既佢 真係有啲易睇唔到行過 。 等左唔洗十分鐘 已經拎得。 味道方面一如既往 都係炸得岩岩好 唔會太脆又唔會林哂 岩哂我依啲唔想食太熱氣既人 面林左一層芝士 標榜以真·芝士制成既芝士面層 會隨時間凝結 但口感依舊。 底層伴上茄汁 即使上面既芝士凝結左 都唔怕下面好寡。 不過今次既份量相對細份 ，但$25黎講其實已經好抵。