龍鳳餃子館 (Closed)

難得honey收早，兩口子就買定飛去睇戲 ，晚飯就喺公司附近o既「龍鳳餃子館」度搞掂。小店門外貼滿報章雜誌刊登過o既報導。店子o既牆身上半為鮮紅色，下半則為黑色，明顯係要襯返個龍鳳店名 。牆上掛出招牌餸名。配埋店內木造o既合併式枱櫈，佈局就好似古裝電視劇入面嗰啲茶樓咁，極富中國色彩。餐具醬油全部已擺放喺餐桌上。大熱天時，當然係要先啤一啤佢啦！ 打開餐牌第一頁，即見大大隻字寫出「一群天鵝，漂上過海，肥肚漲滿，上岸嘮嗑。」如果冇誤解，字句應該係用天鵝黎比喻啲餃子，未食起碼文字已成功產生美化作用 。因睇戲時有意食爆谷，二人就簡單點咗三味餸作晚餐。 白菜豬肉餃子（$40/十隻）：餃子一客有十隻，每隻當真「肥肚漲滿」，不過外表就同天鵝差好遠 。餃子身厚得黎軟潤鮮濃，簡單點上醋汁更覺開胃，一個人食十隻絕對冇難度，$40真係抵食 ！ 雞絲拌粉皮（$69）：頂面o既雞絲清香柔軟，青瓜絲則爽脆健康，墊底o既粉皮煙韌潤澤，以甜甜o既麻醬涼拌極為滋味，炎炎夏日食用就最適合不過 。 清炒蝦仁（$99）：蝦仁雖然大隻咗少少，不過仍不失爽脆，芡汁又唔會過火，算炒得唔錯。「龍鳳餃子館」環境企理