小洋蔥 (Closed)

屋企附近無咩選擇，所以昨日去咗小洋蔥食晚飯。其實佢係大快活集團，不過質素比大快活好少少。餐廳主要食西式野，質素不過不失。雖然昨日星期五，但始終開係私人屋苑入面，所以唔多人，都唔使等位。我叫左黑松露野菌燴飯，等左接近20分鐘，不過要慢慢煮，所以都係正常既。味道一般，可能我重口味，覺得偏淡左少少，菌味唔夠突出，但$58咁大碟算幾抵。朋友叫左鐵板雜扒，全部熱辣辣，佢話好味，我就覺得一般，其實叫雜扒有咁多樣食物，就預左每款都會係次等材料，所以我無期望過，亦都唔會失望。食完俾錢先知原來唔使加一，都幾抵。