Say Cheese (將軍澳中心) (Closed)

今日去將軍澳行街，諗住去Rookie~Hong Kong秋冬 特賣場買衫比仔仔啦！點知貨式一般，同仔仔好失望，就行下睇下有咩餐廳食晚飯。路過 Say Cheese, 睇到門口餐牌二人餐都抵食就入來食。仔仔又爭住order 食物， 話要食牛扒喎。紐西蘭肉眼扒10安士 香煎鵝肝意大利飯是日餐~湯蘑菇湯 是日餐飲 ~百香果水果茶 雪糕~ 忌廉曲奇侍應問牛扒幾成，我答十成，仔仔爭住話7成，我都唔明點解佢唔驚生， 真識食。牛扒來到仔仔不斷大口大口咁食，而我呢就好忙咁切。 鵝肝飯來到時 ，我心諗你唔會同我爭呀！你都未食過鵝肝，點知我錯了，佢又一叉咬去半件， 仲想成舊食哂， 我眼都突，佢話好香同個飯好夾，大佬我緊係知啦，你阿媽我想獨享的 。