越式越好味 (Closed)

今日睇完醫生太肚餓啦就去咗一定食到好飽嘅越南餐廳😊抵食之餘仲好飽！入面嘅職員都係越南人，佢哋煮出嚟嘅嘢食一定非常地道，入面座位都幾多，冷氣又夠涼！豬扒湯河$49豬扒炸得酥脆，粉極薄，部分位置仲有少少脂肪，咬落去好香🤭🤭🤭檬粉份量好多，所以我叫咗少河，但都食唔晒🙈 除此之外仲有得追加小食，叫咗個油菜，生菜淥得勁靚，仲係爽口咬落去。上面仲有少少炸蒜調味，好抵食！因為驚太肥所以叫咗杯凍檸茶走甜，超級大杯，夏天一流！